DigiNepal

तराई र उपत्यकामा हुस्सु तथा तुवाँलो, हिमाली भेगमा आंशिक बदली

काठमाडौँ, मंसिर ४
देशमा हाल पश्चिमी वायुसँगै ‘अक्वान’ चक्रवातको आंशिक प्रभाव देखिएको मौसम पूर्वानुमान महाशाखाले जनाएको छ ।

महाशाखाका अनुसार हाल कोशी प्रदेश लगायत गण्डकी, कर्णाली र सुदूरपश्चिम प्रदेशका उच्च हिमाली भूभागमा आंशिक बदली रहेको छ । यता तराईका विभिन्न क्षेत्र, उपत्यका तथा खोँचहरूमा भने हुस्सु र तुवाँलो लागेको छ, जसले बिहानको समयमा दैनिक जनजीवन तथा यात्रामा सामान्य प्रभाव पार्न सक्ने देखिएको छ ।

आज दिउँसो कोशी र मधेस प्रदेशका साथै बागमती र गण्डकी प्रदेशका हिमाली भूभागमा आंशिक बदली रहनेछ । देशका अन्य भूभागमा भने मौसम मुख्यतया सफा रहने महाशाखाको अनुमान छ ।

त्यस्तै, आज राति कोशी र मधेस प्रदेशमा आंशिक बदली रही बाँकी भूभागमा मौसम मुख्यतया सफा रहनेछ । भोलि बिहानपख तराईका भूभाग, उपत्यका र खोँचका केही स्थानमा पुनः हुस्सु तथा कुहिरो लाग्ने सम्भावना रहेको महाशाखाले जानकारी दिएको छ ।

0 reactions0 comments
React

Comments 0

Comments are public and moderated. Don't share phone numbers, emails or ID numbers.

No comments yet. Start a respectful conversation.

    Related updates

    All updates