बाढीपीडितलाई राहत वितरण र पुनस्र्थापनाको काममा तीव्रता दिन सञ्चारमन्त्री डा तिमिल्सिनाको आग्रह
काठमाडौँ, ४ मङ्सिर : नुवाकोट क्षेत्र नं. १ बाट प्रतिनिधिसभा सदस्य एवं सूचना तथा सञ्चारमन्त्री डा. विक्रम तिमिल्सिनाले रसुवा भोटेकोशी बाढी प्रभावितको राहत वितरण तथा पुनःस्थापनाको कामलाई तीव्रता दिन आग्रह गर्नुभएको छ ।
सञ्चारमन्त्री डा तिमिल्सिनाले शुक्रबार राष्ट्रिय योजना आयोग, पूर्वाधार विकास मन्त्रालय, राष्ट्रिय विपद् जोखिम न्यूनीकरण तथा व्यवस्थापन प्राधिकरण र सहरी विकास तथा भवन निर्माण विभागका अधिकारीहरुसँग बाढीबाट प्रभावित परिवारको विवरण संकलन तथा राहत वितरणको अवस्था, राहत कोषमा जम्मा भएको रकम र हालसम्म खर्च भएको रकमबारे जानकारी लिनुभएको हो ।
प्रभावित नागरिकले समयमै राहत पाउने सुनिश्चिता गर्न सम्बन्धित निकायलाई सक्रियतापूर्वक काम गर्न आग्रह गर्नुहुँदै सञ्चारमन्त्री डा तिमिल्सिनाले सरकारका तर्फबाट आवश्यक सबै सहयोग र सहजीकरण उपलब्ध गराउने प्रतिबद्धतासमेत जनाउनुभयो । राहत वितरणका लागि प्रभावितको वास्तविक तथ्याङ्क संकलन, स्थानीय तहसँग समन्वय तथा राहत उपलब्ध गराउने प्रक्रियामा देखिएका ढिलाइप्रति चासो व्यक्त गर्नुहुँदै उहाँले कामलाई गति दिनुपर्ने बताउनुभयो ।
सो छलफलमा सञ्चारमन्त्री डा तिमिल्सिनाले सरकारले राहत वितरणका लागि आवश्यक रकम तथा सहयोगको व्यवस्था गरे पनि प्रभावितको वास्तविक विवरण संकलनमा ढिलाइ हुँदा राहत वितरण प्रक्रिया प्रभावित भइरहेको अवस्था औँल्याउनुभयो । राहत पाउनुपर्ने नागरिक छुट्न नदिन र वास्तविक प्रभावितको पहिचान सुनिश्चित गर्न तथ्याङ्क संकलनलाई प्राथमिकताका साथ अघि बढाउन उहाँले आग्रह गर्नुभयो ।
सञ्चारमन्त्री डा तिमिल्सिनाले राहत तथा पुनःस्थापनाको काममा देखिएका समस्या समाधान गर्न सम्बन्धित निकायबीच थप प्रभावकारी समन्वय आवश्यक रहेको उल्लेख गर्नुहुँदै सरकारका तर्फबाट आवश्यक सहयोग उपलब्ध गराउन तयार रहेको बताउनुभयो । उहाँले राहत वितरणमा कुनै प्रक्रियागत वा प्रशासनिक कठिनाइ भए त्यसलाई समाधान गर्न सरकारबाट आवश्यक सहजीकरण गरिने प्रतिबद्धता व्यक्त गर्नुभयो ।
छलफलमा राष्ट्रिय योजना आयोगका उपाध्यक्ष डा. गुणाकर भट्टले राहत तथा पुनःस्थापनाका लागि विस्तृत विवरण संकलन भइरहेको जानकारी गराउनुभयो । उहाँले संकलित विवरण स्थानीय तहसँग समन्वय गरी सार्वजनिक गर्न सकिने बताउँदै राहत वितरण प्रक्रियालाई थप व्यवस्थित बनाउन प्रयास भइरहेको उल्लेख गर्नुभयो । भट्टका अनुसार राहत वितरणलाई प्रभावकारी बनाउन प्रभावित परिवारको यकिन विवरण आवश्यक छ । स्थानीय तहबाट प्राप्त तथ्याङ्कलाई व्यवस्थित गर्दै राहत वितरणको प्रक्रिया अघि बढाउन आयोगले सहजीकरण गरिरहेको छ । राष्ट्रिय योजना आयोगका सदस्य भूपाल बराल तथा सहसचिव खेमराज कोइरालाले पनि राहत तथा पुनःस्थापनासम्बन्धी विवरण र कार्यप्रगतिबारे छलफलमा जानकारी गराउनुभएको थियो ।
त्यस्तै, राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा. धर्मराज उप्रेतीले स्थानीय तहबाट प्रभावितको तथ्याङ्क संकलनमा ढिलाइ भइरहेको जानकारी गराउनुभयो । उहाँले स्थानीय तहबाट विवरण प्राप्त भएपछि त्यसको प्रमाणीकरणपछि मात्रै सरकारले प्रतिबद्धताअनुसार राहत वितरण गर्न सक्ने बताउनुभयो ।
प्राधिकरणका अनुसार तथ्याङ्क संकलन सम्पन्न भएका पालिकामा राहत वितरणको प्रक्रिया तत्काल अघि बढाउन सकिने अवस्था छ । केही दिनभित्रै रसुवा जिल्लाको उत्तरगया गाउँपालिकाबाट राहत वितरण प्रक्रिया सुरु गर्ने तयारी रहेको उहाँले जानकारी गराउनुभयो । उहाँले प्रभावितको वास्तविक विवरण प्राप्त भएपछि राहत वितरणमा थप सहज हुने बताउँदै स्थानीय तहबाट तथ्याङ्क उपलब्ध गराउने कार्यलाई तीव्रता दिनुपर्ने आवश्यकता औँल्याउनुभयो ।
नेपाल सरकार मन्त्रिपरिषद्को गत भदौ २५ गतेको निर्णयअनुसार बाढीपहिरोका कारण सङ्कटग्रस्त क्षेत्र घोषणा गरिएका रसुवा, नुवाकोट, धादिङ, तनहुँ र गोरखा जिल्लाका १५ स्थानीय तहमा पूर्ण रूपमा क्षति भएका निजी आवासमा बसोबास गर्ने प्रभावित परिवारलाई घरभाडास्वरुप तत्काल राहत उपलब्ध गराउने व्यवस्था गरिएको छ । सरकारको निर्णयअनुसार चार जनासम्म सदस्य भएका परिवारलाई अधिकतम ६ महिनासम्म प्रतिपरिवार १५ हजार रुपैयाँ राहत उपलब्ध गराइनेछ ।
चार जनाभन्दा बढी सदस्य भएका परिवारलाई थप सदस्यका आधारमा प्रतिव्यक्ति दुई हजार रुपैयाँका दरले थप राहत उपलब्ध गराउने सरकारले निर्णय गरिसकेको छ ।–––
Reading is open to everyone. Sign in to react, comment or save.
Related updates
All updates
वैदेशिक रोजगारीका नाममा हुने ठगी तथा श्रम शोषण नियन्त्रण गर्न गृह मन्त्रालयद्वारा विशेष कार्यदल गठन, आजैदेखि कार्य प्रारम्भ
काठमाडौँ। वैदेशिक रोजगारी तथा कन्सल्टेन्सीमार्फत विदेश पठाउने क्रममा नेपाली नागरिकमाथि भइरहेको ठगी र श्रम शोषण निर्मूल पार्न तथा त्यस्ता गैरकानुनी गतिविधिमा संलग्न व्यक्ति वा…
Newनेपाल टेलिकमको सेवा गुणस्तर सुधार्न सञ्चारमन्त्री डा तिमिल्सिनाको निर्देशन
काठमाडौँ, ४ मङ्सिर । सूचना तथा सञ्चारमन्त्री डा. विक्रम तिमिल्सिनाले नेपाल टेलिकमको सेवा गुणस्तरमा सुधार हुन नसकेको बारे मन्त्रालयमा गुनासो आउने गरेको उल्लेख गर्नुहुँदै नेटवर्क…
New
नापजाँच भएको ११ वर्षपछि महोत्तरीका २४० स्ववासी परिवारले पाए लालपुर्जा
काठमाडौँ। महोत्तरीको सम्सी गाँउपालिका वडा नं ५ (साविक पोखरीभिन्दा संग्रमपुर वडा नं १,२,३,४,५,६,७,८ र ९) का २४० स्ववासी परिवारले नापजाँच सम्पन्न भएको करिब ११ वर्षपछि जग्गाधनी…
New
जलवायु सङ्कट न्यूनीकरण र हिमाल–महासागर संरक्षणमा नेपाल र भानुआटुबीच सहकार्य गर्ने सहमति
नेपाल र भानुआटुले जलवायु परिवर्तनका असर न्यूनीकरण, हिमाली पारिस्थितिक प्रणालीको संरक्षण तथा जलवायुजन्य क्षति र नोक्सानीको सम्बोधनका लागि द्विपक्षीय सहकार्य सुदृढ गर्ने प्रतिबद्धता…
New
एलपीजी ग्यास सिलिन्डरमा बढी मूल्य लिने स्टोरलाई २ लाख जरिवाना
काठमाडौं । खाना पकाउने एलपीजी ग्यास सिलिन्डरमा तोकिएभन्दा बढी मूल्य लिने एक स्टोरलाई वाणिज्य, आपूर्ति तथा उपभोक्ता हित संरक्षण विभागले २ लाख रुपैयाँ जरिवाना गरेको छ । उपभोक्ताले…
New
फिफा र एएफसीका अध्यक्षसँग मन्त्री पोखरेलको भेटवार्ता, एन्फामाथिको प्रतिबन्ध फुकाउन सकारात्मक
काठमाडौँ। शिक्षा तथा खेलकुद मन्त्री सस्मित पोखरेलले विश्व फुटबल महासंघ (फिफा) र एसियाली फुटबल महासंघ (एएफसी) का शीर्ष अधिकारीहरूलाई भेटवार्ता गर्नुभएको छ । बैंककमा आयोजित एएफसी…
New 4 images
Comments 0
No comments yet. Start a respectful conversation.